સુપ્રિમ કોર્ટે એડલ્ટરી ધારાને માની મહિલા વિરોધી, ખતમ કરવાના સંકેત
સુપ્રિમ કોર્ટે લગ્નેત્તર સંબંધોને અપરાધ માનનારી આઈપીસીની કલમ ખતમ કરવાના સંકેત આપ્યા છે.
સુપ્રિમ કોર્ટે લગ્નેત્તર સંબંધોને અપરાધ માનનારી આઈપીસીની કલમ ખતમ કરવાના સંકેત આપ્યા છે. આ કાયદા હેઠળ કોઈ પરિણીત પુરુષના કોઈ પરિણીત મહિલા સાથેના તેના પતિની મરજી વિરુદ્ધ શારીરિક સંબંધને ગુનો માનવાની જોગવાઈ છે. સુપ્રિમ કોર્ટે આઈપીસીની આ કલમને ખતમ કરવાના સંકેત આપ્યા છે.
ગુરુવારે એડલ્ટરી મામલે સુનાવણી કરતા સુપ્રિમ કોર્ટે કહ્યુ કે ભલે આ કાયદા હેઠળ મહિલાને લગ્નેત્તર સંબંધ માટે દોષિત ન માનવામાં આવી હોય પરંતુ આ કલમ મહિલાઓને પતિની સંપત્તિના રૂપમાં જણાય છે. સુપ્રિમ કોર્ટમાં સીજેઆઈ દીપક મિશ્રાની આગેવાનીવાળી 5 સભ્યોની ખંડપીઠે કહ્યુ કે કાયદાની આ કલમ મહિલાઓ માટે ભેદભાવપૂર્ણ જણાય છે.
પીઆઈએલ દાખલ કરનાર શાઈના જોસેફે આઈપીસીની કલમ 497 ની માન્યતાને સુપ્રિમ કોર્ટમાં પડકારી છે અને કહ્યુ છે કે આ કાયદા હેઠળ માત્ર પુરુષોને જ સજા થાય છે. તેમને પાંચ વર્ષની સજાની જોગવાઈ છે જ્યારે મહિલાઓ પર ઉકસાવવાનો કેસ પણ નથી થઈ શકતો.