દિલ્હી સહિત ઉત્તર ભારતના આ રાજ્યોમાં 3 દિવસ ભારે ધુમ્મસ રહેશે, જાણો બીજુ શું કહ્યું હવામાન વિભાગે?
ઉત્તર ભારતમાં ભારે ઠંડી પડી રહી છે. પહાડો પર હિમ વર્ષા અને શીત લહેરને કારણે ઘણા શહેરોમાં તાપમાન 20 ડીગ્રી નીચે જોવા મળ્યુ છે.
નવી દિલ્હી : છેલ્લા કેટલાક દિવસથી ઉત્તર ભારતમાં ઠંડી સાથે ભારે ધુમ્મસ જોવા મળી રહ્યો છે ત્યારે હવે હવામાન વિભાગની બીજી આગાહી સાને આવી રહી છે. ઉત્તર ભારતમાં સતત ધુ્મ્મસ પડી રહ્યો છે ત્યારે હવે હવામાન વિભાગે ચેતવણી જારી કરી છે.
સામે આવી રહેલી માહિતી અનુસાર હવામાન વિભાગે આવનારા 48 કલાકમાં ઉત્તરાખંડ, પંજાબ, હરિયાણા, ચંદીગઢ અને પશ્ચિમ રાજસ્થાનના કેટલાક ભાગોમાં ગાઢ ગાઢ ધુમ્મસની આગાહી કરી છે. આ સાથે હવામાન વિભાગે આગામી 24 કલાક દરમિયાન પૂર્વ રાજસ્થાન અને પશ્ચિમ યુપીમાં ધુમ્મસની આગાહી કરી છે.
અહીં તમને જણાવી દઈએ કે પુરા ઉત્તર ભારતમાં ભારે ઠંડી પડી રહી છે. પહાડો પર હિમ વર્ષા અને શીત લહેરને કારણે ઘણા શહેરોમાં તાપમાન 20 ડીગ્રી નીચે જોવા મળ્યુ છે. છેલ્લા કેટલાક દિવસથી લખનૌ, સીતાપુર, બિજનૌર અને રામપુર સહિતના જિલ્લાઓને ધુમ્મસ જોવા મળી રહ્યો છે.
અહેવાલો અનુસાર, ગ્રામીણ વિસ્તારોમાં ઠંડીને કારમે બાળકો અને વૃદ્ધોને સમસ્યાઓનો સામનો કરવો પડી રહ્યો છે. લોકો ઠંડીથી બચવા માટે બોનફાયરનો સહારો લઈ રહ્યા છે. આ જ કારણ છે કે સવારે સૂર્યોદય થયા બાદ જ રસ્તાઓ પર લોકોની ભીડ જોવા મળે છે અને સાંજ પડતાં જ લોકો પોતાના ઘરોમાં છુપાઈ જવાની ફરજ પડે છે.
અહીં એ પણ જાણવુ જરૂરી છે કે ઠંડીના કારણે ઘણા રાજ્યોમાં શિયાળુ વેકેશન જાહેર કરાયુ છે. દિલ્હી અને બિહાર સહિત ઘણા રાજ્યોમાં 15 જાન્યુઆરી સુધી શાળાઓ બંધ કરાઈ છે. મોટાભાગનાં રાજ્યોમાં બોર્ડની પરીક્ષાઓની તૈયારી માટે વિદ્યાર્થીઓની સમસ્યાઓ દૂર કરવા માટે અમુક સમય માટે શાળાઓ ખોલવામાં આવી રહી છે.