અમદાવાદમાં ભાજપ-કોંગ્રેસને બંન્નેને ઝટકો, ખાલી હાર્દિક ખુશ
અમદાવાદમાં ભાજપ અને કોંગ્રેસના રોડ શો થયા રદ્દ. પણ હાર્દિક પટેલે પણ રોડ શો રદ્દ થવા છતાં રોડ શો નીકાળ્યો હતો. આ અંગે વધુ જાણો અહીં
ગુજરાત વિધાનસભાની ચૂંટણીના બીજા ચરણની શરૂઆત પહેલા ભાજપ અને કોંગ્રેસ બંન્નેને અમદાવાદ પ્રશાસને મોટો આઘાત આપ્યો છે. અમદાવાદ પ્રશાસને બંન્ને પાર્ટીઓના પ્રમુખ નેતાઓના રોડ શો કાર્યક્રમને રદ્દ કર્યા છે. પોલિસનું કહેવું છે કે રોડ શોના કારણે સડકો જામ થઇ જાય છે અને ટ્રાફિકની સમસ્યાને ધ્યાનમાં રાખીને બંન્ને પાર્ટીઓના રોડ શો રદ્દ કરવામાં આવ્યા છે. સાથે જ હાર્દિક પટેલનો રોડ શો પણ રદ્દ કરવામાં આવ્યો છે. પણ હાર્દિકે આ વાતને નજર અંદાજ કરીને રોડ શો ચાલુ રાખ્યો હતો. પોલીસ આયુક્ત અનુપમ કુમાર સિંહે કહ્યું કે ભાજપના પીએમ મોદી અને કોંગ્રેસના રાહુલ ગાંધીના રોડ શોને ટ્રાફિક સમસ્યાના કારણે રદ્દ કરવામાં આવ્યા છે.
નોંધનીય છે કે સોમવારે રાતે 8 વાગે સાબરમતી રિવરફ્રંટ પર વડાપ્રધાન નરેન્દ્ર મોદી મોટી જનસભાને સંબોધિત કરવાના છે. તો રાહુલ ગાંધી પણ 11 ડિસેમ્બરે અમદાવાદના વિરમગામમાં રોડ શો કરવાના હતા. વીરમગામ હાર્દિક પટેલ અને ઓબીસી નેતા અલ્પેશ ઠાકોરના જિલ્લા છે પણ અહીં રોડ શો માટે પરવાનગી નથી આપવામાં આવી. આમ આજે હાર્દિક પટેલ, નરેન્દ્ર મોદી અને રાહુલ ગાંધી અમદાવાદ જિલ્લા ખાતે જ ત્રણ અલગ અલગ સમય અને સ્થળે હાજર હશે.