અભય સિંહ ચૌટાલા

મજબૂત રાજનૈતિક પૃષ્ઠભૂમિ ધરાવતા કુટુંબમાં જન્મેલા અભય સિંહ ચૌટાલાએ ચૌટાલા ગામ પંચાયતની સભ્યતા માટે ચૂંટણી લડી રાજકારણમાં પ્રવેશ કર્યો. ચૌટાલા પૂર્વ મુખ્યમંત્રી ઓમ પ્રકાશ ચૌટાલાના પુત્ર અને ભારતના પૂર્વ ઉપ પ્રધાનમંત્રી ચૌધરી દેવી લાલના પ્રપૌત્ર છે. અભય ચૌટાલાએ કાંતા સાથે લગ્ન કર્યા અને તેમના બે દિકરા કરણ સિંહ ચૌટાલા અને અર્જુન સિંહ ચૌટાલા છે. 2000માં તેમણે રોરી વિધાનસભા મત વિસ્તારથી ચૂંટણી લડી અને જીત્યા. તેઓ 2005 દરમિયાન સિરસા જિલ્લાના જિલ્લા પરિષદના અધ્યક્ષ બન્યા. તેમણે 2009માં એલાનાબાદ રાજ્ય વિધાનસભા ક્ષેત્રથી ઉપચૂંટણી લડી. તેમણે માત્ર રાજકારણમાં જ નહિં, પણ રમત-ગમત ક્ષેત્રે પણ કામ કર્યુ છે. તેમણે ભારતીય ઓલમ્પિક સંઘના અધ્યક્ષ તરીકે કામ કર્યુ, પણ ભ્રષ્ટાચારના આરોપોને કારણે 2014માં રાજીનામુ આપવા તેઓ મજબૂર થયા. 13મી હરિયાણા વિધાનસભામાં અભય ચૌટાલા વિપક્ષના નેતા તરીકે ચૂંટાયા હતા. તેઓ વિવાદિત ભાષાનો ઉપયોગ ન કરનારા યુવા નેતા અને સખત મહેનત અને પરિણામ-ઉન્મુખ કામ કરવામાં વિશ્વાસ ધરાવે છે.