અજીત જોગી

અજીત જોગી છત્તીસગઢના પહેલા મુખ્યમંત્રી રહ્યા. 2000થી 2003 સુધી છત્તીસગઢના નવા રાજ્ય બન્યા બાદ, પહેલું મુખ્યમંત્રી પદ અજીત જોગીએ સંભાળ્યુ. તેઓ રાજય ધારાસભ્ય તરીકે ચૂંટાયા સિવાય બંને ગૃહોના સાંસદ સભ્ય રહી ચૂક્યા છે. 2016માં અજીત જોગી અને તેમના દિકરા અમિત જોગીને કોંગ્રેસ વિરોધી પ્રવૃતિઓ અને છત્તીસગઢના અંતાગઢમાં ઉપચૂંટણી માટે કોંગ્રેસથી નિષ્કાષિત કરી દેવામાં આવ્યા હતા. તેમના દિકરા અમિતને 6 વર્ષ માટે કોંગ્રેસ પાર્ટીથી નિષ્કિત કરાયા હતા. કમનસીબે 2004માં જોગીનો માર્ગ અકસ્માત થયો હતો, જેનાથી તેઓ આંશિક રીતે લકવાગ્રસ્ત થઈ ગયા હતા અને ત્યારથી જ તેઓ વ્હીલચેર પર છે પરંતુ એક નેતા તરીકે ક્યારેય તેમણે હાર નહોતી માની. 9 મે 2020ના રોજ તેમને કાર્ડિયાક અરેસ્ટ આવ્યો હોવાના પગલે તેમને છત્તીસગઢના રાયપુરમાં આવેલ શ્રી નારાયણ હોસ્પિટલે ખસેડવામાં આવ્યા હતા. તેઓ કોમામા હતા અને વેન્ટિલેટર પર હતા. 20 દિવસ લડત આપ્યા બાદ મલ્ટીપલ હાર્ટ અટેકથી તેમનું 29 મે 2020ના રોજ 74 વર્ષની ઉંમરે નિધન થયું.