લાલ કૃષ્ણ અડવાણી

એલ.કે. અડવાણી ભારતીય જનતા પાર્ટીના સૌથી વરિષ્ઠ નેતાઓમાંના એક છે. 1941માં 14 વર્ષની ઉંમરે લાલ કૃષ્ણ અડવાણીએ રાષ્ટ્રીય સ્વયંસેવક સંઘના સ્વયંસેવક તરીકે રાજકીય કારકીર્દિની શરૂઆત કરી હતી. તેઓ કરાંચી શાખાના પ્રચારક (પૂર્ણ સમયના કાર્યકર) બન્યા અને ત્યાં અનેક શાખાઓ વિકસાવી. ભાગલા પછી અડવાણીને પ્રચારક તરીકે રાજસ્થાનના મત્સ્ય-અલવરમાં મોકલવામાં આવ્યા, જેમાં ભાગલા બાદ સાંપ્રદાયિક હિંસા ફેલાઈ હતી. તેમણે 1952 સુધી અલવર, ભરતપુર, કોટા, બુંદી અને ઝાલાવાડ જિલ્લામાં કામ કર્યું.

આરએસએસના સહયોગથી 1951માં સ્યામા પ્રસાદ મુખરજી દ્વારા સ્થાપિત રાજકીય પક્ષ ભારતીય જન સંઘના સભ્ય બન્યા હતા. 1957માં તેઓને સંસદીય બાબતોની દેખભાળ માટે દિલ્હી ખસેડવામાં આવ્યા હતા. ટૂંક સમયમાં જ તેઓ જનરલ સેક્રેટરી અને પછીથી જનસંઘના દિલ્હી એકમના પ્રમુખ બન્યા. 1967ની ચૂંટણી પછી તેઓ શહેરની મેટ્રોપોલિટન કાઉન્સિલના નેતા બન્યા. તેમણે આરએસએસના સાપ્તાહિક ઓર્ગેનાઈઝરને સંપાદિત કરવામાં કે આર મલકાણીની પણ મદદ કરી અને 1966માં રાષ્ટ્રીય કારોબારી સભ્ય બન્યા.

1970થી તેઓ છ વર્ષના કાર્યકાળ માટે દિલ્હીથી રાજ્યસભાના સભ્ય બન્યા. જનસંઘમાં વિવિધ પદો પર સેવા આપ્યા બાદ 1973માં તેઓ પાર્ટીની કાર્યકારી સમિતિના કાનપુર સત્રના પ્રેસિડેન્ટ બન્યા.1976થી 1982 સુધી તેઓ ગુજરાતથી રાજ્યસભાના સભ્ય હતા. ઈન્દિરા ગાંધીએ દેશ પર લાદેલી કટોકટી બાદ જનસંઘ અને અન્ય ઘણી પાર્ટીઓએ ભાજપમાં મર્જર કર્યું. અટલ બિહારી વાજપેયી અને એલકે અડવાણી 1977ની લોકસભા ચૂંટણીમાં ભાજપના સભ્યો તરીકે લડ્યા હતા. અડવાણી નવી સ્થાપિત ભાજપના અગ્રણી નેતા બન્યા અને મધ્ય પ્રદેશથી 1982માં બે ટર્મ સુધી તેઓએ રાજ્યસભાના સભ્ય તરીકે સેવા આપી.