Rajinikanth

સુપરસ્ટાર રજનીકાંતનો જન્મ 12 ડિસેમ્બર 1950ના રોજ તત્કાલીન મૈસુર રાજ્ય અને હાલના કર્ણાટકના બેંગ્લોરમાં થયો હતો. તેમનું અસલી નામ શિવાજી રાવ ગાયકવાડ હતું. તેઓ પાંચ વર્ષના હતા ત્યારે જ તેમના માતાનું નિધન થયું હતું. બાળપણમાં તેમણે આચાર્ય પાઠશાલા અને બાદમાં રામકૃષ્ણ મિશનની સંસ્થામાંથી શિક્ષણ મેળવ્યું હતું. તેમની માતૃભાષા મરાઠી છે, જો કે તેમણે મરાઠી ભાષામાં એકેય ફિલ્મ નથી કરી. સુપર સ્ટાર બનવા સુધીની તેમની યાત્રા સરળ નહોતી. ફિલ્મ ઈન્ડસ્ટ્રીમાં એન્ટ્રી લેતા પહેલાં તેઓ બેંગ્લોરમાં કર્ણાટક પરિવહન નિગમ માટે બ કંડક્ટર તરીકે સેવા આપી રહ્યા હતા. આ સમય દરમ્યાન જ તેમણે વિવિધ નાટકો અને સ્ટન્ટ્સ અભિનય કરી પોતાની અભિનયની રૂચિઓનું પોષણ કર્યું.

બૉલીવુડ અને દક્ષિણ ભારતની ફિલ્મ ઈન્ડસ્ટ્રીમાં રજનીકાંત લોકપ્રિય ચહેરો છે, દક્ષિણ બારતમાં તેમને ભગવાનની જેમ માનવામાં આવે છે અને પ્રેમથી લોકો તેમને રજની સર કહીને સંબોધે છે. તેમનું ફેન ફોલોઈંગ જબરું છે અને દર્શકો પાગલપણે તેમને ચાહે છે. ભારતીય સિનેમામાં તેમની લાંબી અને સમૃદ્ધ કારકિર્દી માટે રજનીકાંતને ઘણા અવોર્ડ અને પ્રશંસા મળી છે. તેમને ફિલ્મ ફેર બેસ્ટ એક્ટર અવોર્ડ, તમિલનાડુ સ્ટેટ ફિલ્મ અવોર્ડ્સ, કાલિમામણિ એવોર્ડ્સ, ભારતીય સિનેમામાં એક્સેલન્સ માટે ચેવાલીઅર શિવાજી ગણેશન અવોર્ડ, પદ્મ ભૂષણ અને દેશના સર્વોચ્ચ નાગરિક સન્માન પદ્મ- વિભૂષણથી પણ નવાજવામાં આવ્યા છે.

તમિલનાડુના રાજકારણમાં સુપર સ્ટાર રજનીકાંતનો પ્રભાવ ભારે છે અને પોતાની જાતે જ મેન્ડેટ ફરમાવવામાં સક્ષમ છે. ભૂતકાળના ઘણા પ્રસંગોમાં તેમણે પોતાની રાજકીય પસંદગીઓ વ્યક્ત કરી છે. સક્રિય રાજકારણમાં તેમની શરૂઆતની આતુરતાથી રાહ જોવાઈ રહી છે.